God Jul !

Av Åse

Vi i Topp Team Fôring vil ynskje alle lesarane av bloggen ei riktig god og fredeleg jul, både for folk og fe.  Sjølv har  eg ein tradisjon med å strø «God Jul» på fjøsgolvet hjå kyrne før eg går inn att julekvelden – da fyrst synest eg at julefreden senkar seg over garden. Vêrmeldinga tilseier at vi slepp billig unna kaldegradene i jula, og så får vi håpe det ikkje blir altfor stri storm i nord og vest heller.  Og så håpar vi alle får litt fri i jula, og at det blir mykje tid til kos med god julemat saman med  slekt og venner.

Så håpar vi på eit aktivt år i 2012 med mange diskusjonar og meiningsutvekslingar her på bloggen. Det er viktig for oss å høyre kva døkk er opptekne av,  for å kunne ta opp tema som er interessante og aktuelle for aktive norske mjølkeprodusentar.